Tónspor

Tónspor er heitið á nýrri þáttaröð í umsjón Jónasar Sen. Þættirnir eru sex og er hver þáttur helgaður einu tónskáldi og einum danshöfundi. Í fyrra vetur voru þessi pör beðin um að semja dans- og tónverk og í þáttunum er fylgst með því hvernig verkin urðu til, frá fyrstu hugmynd til frumsýningar. Auk þess að fjalla um höfundana fléttast inn í þættina stutt mynd- og viðtalsbrot þar sem varpað er ljósi á dans og dansmenningu í öllum sínum fjölbreytileika. Meginumfjöllun hvers þáttar er þannig sett í víðara samhengi við sögu og menningu. Þetta eru því jafnframt fræðsluþættir um fyrirbærið dans, sem hefur fylgt manninum frá örófi alda. (Source: the website for the network)